For deg som jobbar på heimekontor / er gründer / bur på Sunnmøre i periodar / studerer / vil vere del av eit kreativt miljø. No kan du vere med og påverke utforminga av den første coworken i Ulsteinvik - eit dynamisk kontorfellesskap i tilknyting til makerspacen på Skaparhuset. Vi trur at magi skjer der menneske med ulik bakgrunn og erfaring møtest - i eit tverrfagleg og samansett miljø kan du hente den vesle linken du manglar i prosjektet ditt, du kan trygt tryne, finne støtte og røyse deg igjen.

For å kunne tilby deg det optimale treng vi å vite dine behov for god flyt i arbeidskvardagen. Vil du nerde bak lukka dører eller kaste ball i ope landskap? Treng du dropin-desk eller cellekontor på fast basis? Kom og del med oss i workshop på Skaparhuset.

Program på Skaparhuset 6. oktober - enkel servering

18:00 / Innleiing / Det nye arbeidslivet / Erfaringar med coworking

18:45 / Workshop / Deling av tankar og idear

20:00 / Oppsummering / Bli med vidare til shuffleboard på Brygga

Kan du tenkje deg å vere pilot i prosjektet?
Du får fri tilgang til kontor og fasilitetar i tre månader og gir oss tilbakemeldingar undervegs.